جێگری بەڕێوەبەری گشتی تەندروستی سلێمانی رایدەگەیەنێت " دوو سبەی دەست بەدابەشکردنی مووچەی وەزارەتی تەندروستی بە سیستەمی نوێ دەکرێت".
عەبدوڵا ئەحمەد جێگری بەڕێوەبەری گشتی تەندروستی سلێمانی لە لێدوانێکی رۆژنامەوانیدا رایگەیاند " "لیستەكانی مووچەی فەرمانبەرانی تەندروستمان رەوانەی گەنجینە كردووە و وردبینی تێدا دەكەن، بۆ ئەوەی چەكی بانكمان بۆ بكرێت و دووسبەی دەست بە دابەشكردنی مووچە بكرێت".
جێگری بەڕێوەبەری گشتی تەندروستی سلێمانی وتیشی: "دەتوانین مووژدە بدەین بە سەرجەم فەرمانبەرانی تەندروستی كە رۆژی پێنج شەممە مووچە دابەش دەكرێت".
چوارشەممەی رابردوو 28/3/2018 لە كۆنگرەیەكی رۆژنامەوانیدا ھەر یەك لە نێچیرڤان بارزانی، سەرۆكی حكوومەتی ھەرێمی كوردستان و رێباز حەملان وەزیری دارایی ھەرێم، گۆڕانكاریان لە سیستمی پاشەكەوتی مووچە راگەیاند.