دۆناڵد ترەمپ و ڕەجەب تەیب ئەردۆغان پەیوەندییەکی تەلەفۆنییان ئەنجام دا و دۆخی سووریایان تاوتوێ کرد.
ماڵپەڕی دەیلی سەباحی تورکی بڵاویکردەوە، لە پەیوەندییەکەدا هەریەکە لە سەرۆکی ئەمریکا و هاوتا تورکییەکەی باسیان لە هێرشە کیمیاییەکەی دوما و دۆخی سووریا کردووە.
لەماوەی کەمتر لە مانگێکدا، ئەمە سێیەم جارە کە دۆناڵد ترەمپ و ڕەجەب تەیب ئەردۆغان پەیوەندی تەلەفۆنی ئەنجام بدەن.
پەیوەندییەکەش لەکاتێکدایە کە هەریەکە لە ئەمریکا و فەرەنسا و بەریتانیا هەڕەشەی ئەنجامدانی هێرشی سەربازی بۆ سەر سووریا دەکەن، دوای هێرشە کیمیاییەکەی دوما کە کوژران و برینداربوونی دەیان هاوڵاتی لێکەوتەوە.
هەریەکە لە مۆسکۆ و دیمەشقیش ڕەتیدەکەنەوە دەستیان لە ئەنجامدانی هێرشەکەدا هەبووبێت و دەڵێن، هێشتا نەسەلمێنراوە کە هێرشی کیمیایی کراوەتە سەر دوما.