چالاکوانێکی ژینگە خۆی سوتاند

چالاكوانێکی ژینگە لە ئەمریكا بەناوی دەیڤید باكڵ لە دژی پیسكردنی ژینگە، خۆی سوتاند.

میدیای ئەمریكا بڵاوی كردەوە پارێزەرەكە بۆ سەرنجڕاكێشانی وڵاتەكەی و جیهان لەپێناو بەرگرتن لە چیتر پیسكردنی ژینگە، خۆی سوتاند.

باكڵ تەمەنی 60 ساڵ بووە لەنێو پاركێكی شاری برۆكڵن سەر بە ویلایەتی نیویۆرك سوتەمەنی بەخۆی داكرد و خۆی سوتاند، لەم كاتەشدا سەردانیكەرانی پاركەكە هەوڵی كوژاندنەوەیان دا، بەڵام نەیانتوانی.

چالاكوانەكە لە دوای خۆیدا نامەیەكی جێهێشتووە و تیایدا نووسیویەتی خۆم دەسووتێنم بۆ ئەوەی خەڵكی جیهان بزانن كاتێ گرنگی بە ژینگە نادەن، چییان بەسەردێت. رۆژێك لە رۆژان ئەم پیسبوونی ژینگەیە دەبێتە هۆی لەناوچوونی هەسارەی زەوی.


ئه‌م بابه‌ته ‌896 جار خوێنراوه‌ته‌وه‌‌

PM:08:39:16/04/2018