بەڕێوەبەرایەتی پۆلیسی پارێزگای كەركوك نۆ كەسی دەستگیركرد و دەڵێت "ئەو کەسانە بازرگانیكەر و بەكارهێنەری ماددەی هۆشبەر بوون".
بەپێی راگەیەندراوێكی بەڕێوەبەرایەتی پۆلیسی پارێزگای كەركوك "هێزەكانیان توانیویانە نۆ كەس بە تۆمەتی ماددەی هۆشبەر دەستگیر بكەن".
لەراگەیەندراوەكەدا ئەوە هاتووە "لەسەرەتای ئەم مانگەوە هێزەكانیان زنجیرەیەك هەڵمەتی گەڕان و پشكنینیان لە نێو شاری كەركوك ئەنجامداوە و توانیویانە 9 كەس كە تۆمەتباران بە بازرگانی و بەكارهێنانی ماددەی هۆشبەر دەستگیربكەن بە تایبەت ماددەی كریستاڵ".
لەکۆتاییدا هاتووە "لەئێستادا تۆمەتبارەكان بەپێی یاسا لێكۆڵینەوەیان لەگەڵ دەكرێت".