دەزگای هەڵبژاردنی پارتی دیموكرات، ناوی ئەو كاندیدانەی ئاشكراكرد، كە لەپارێزگای هەولێر زۆرترین دەنگیان بەدەستهێناوە.
بەپێی ئەو ئامارانەی دەزگاكە بڵاویکردۆتەوە كاندید ناسر هەركی كاندیدی ژمارە 15 لەلیستی پارتی 21 هەزار دەنگی بەدەستهێناوەو پلەی یەكەمی هەیە.
هەر بەپێی دەزگاكە محەمەد شاكر كاندیدی ژمارە 13 زیاتر لە 20 هەزار دەنگی هێناوەو لەپلەی دووەم دێت، بەدوای ئەویشدا هیدار بارزانی كاندیدی ژمارە 20 بە زیاتر لە 17 هەزار دەنگ دێت.
هەروەها محەمەد ئەمین مزوری زیاتر لە 13 هەزار و مەلا بەشیر كاندیدی ژمارە دوو زیاتر لە 12 هەزار دەنگیان بەدەستهێناوە.
پارتی دیموكرات لەپارێزگای هەولێر پلەی یەكەمی هەیەو زۆرترین دەنگی پارێزگاكەی بردووەتەوە، كە 282292 هەزار دەنگە.