ئەندامی مەکتەبی سیاسی پارتی، هۆشیار زێباری دژی بڕیاری هەژمارکردنی لە ١٠% دەنگەکانی هەڵبژاردنی پەرلەمانی عێراقە.
لە پەڕەی تایبەتی خۆی لە فەیسبووک هۆشیار زێباری نوسیویەتی " بڕیارەکەی پەرلەمانی عێراق لەبارەی ئەنجامەکانی هەڵبژاردنەوە، هێزی پابەندبوونی نییە و ئاڵۆزییە سیاسییەکانی وڵات زیاتردەکات".
هۆشیاری زێباری ئاماژەی بەوەش کردووە " هاوئاوازییەک لە نێوان سەرۆکی پەرلەمان و حکومەت هەیە کە بەهۆی پاڵنەری خۆپەرستی و کەسی، وڵات بەرەو نادیار دەبەن".
رۆژی دوو شەممە ٢٨ ی ئایار پەرلەمانی عێراق بڕیاری لەسەر هەژمارکردنی لە ١٠% دەنگەکانی هەڵبژاردنی پەرلەمانی عێراقی دەرکرد.