پێشنیوەڕۆی ئەمڕۆ فڕۆكە جەنگیەكانی توركیا بۆردومانی چەند ناوچەیەكی باشوری كوردستانیان دەستپێكردەوە و هاوسەرۆكی شارەوانی بناری قەندیلیش زانیاری ئاشكرادەكات.
محمد حسێن هاوسەرۆكی شارەوانی بناری قەندیل بە "سپی میدیا"ی ڕاگەیاند لە كاتژمێر 11ی نیوەڕۆ تا ئێستا فرۆكە جەنگیەكانی توركیا بۆردومانی گووندی بوران و كەڵەكێ باڵەكایەتی و بۆكریسكان و سورەدێ و دۆلی باڵەیان و گەلی بەدرا و دەوروبەری ئێنزێ بۆردومان دەكەن بۆردومانەكە نزیك لەگوندەكانە.
هاوسەرۆكی شارەوانی بناری قەندیل وتیشی "بەهۆی ئەم بۆردومانانەوە ترس و دڵەڕاوكێی زۆری دروست كردوە لەناو دانیشتوانی ئەو ناوچانە و تا ئێستا زیانە گیانی و مادیەكان نەزانراوە".
ماوەی چەند ڕۆژە بەبەردەوامی فروكەجەنگیەكانی توركیان بەئاسمانی قەندیل و ئەو ناوچانەدا دەسوڕێنەوە و بۆردومانی ناوچەكە دەكەن.
ئەمیر حەسەن