سەرۆکوەزیرانی هەرێم رایدەگەیەنێت، ئەو هێرشانەی تورکیا دەیکاتە سەر هەرێم خەتای پەکەکەیە، ئاشکراشێدەکات لەگەڵ حکومەتی عێراق تا ئێستا کۆبونەویەکان بۆ گەرآنەوەی پیشمەرگە بۆ کەرکوک و ناوچە جێناکۆکەکان ئەنجام نەداوە.
ئەمڕۆ چوارشەممە، نێچیرڤان بارزانی سەرۆکوەزیرانی هەرێم لە دوای کۆبونەوەی ئەنجومەنەکەی لە کۆنگرەەکی رۆژنامەوانیدا کە لە شاری هەولێر بەڕێوەچوو رایگەیاند، "
پەكەكە بەشێكی زۆری خاكی هەرێمی كوردستانی داگیركردووەو لەو رێگەیەوە هێرشدەكاتەسەر توركیا و دەگەڕێتەوە شوێنەكانی خۆی".
سەرۆکوەزیرانی هەرێم ئاماژەی بۆ ئەوەکرد،"
ئەو هێرشانەی كە توركیا دەیكاتەسەر هەرێمی كوردستان خەتای پەكەكەیە".
هەروەها لەبارەی گەڕانەوەی پێشمەگەر بۆ كەركوك و ناوچە جێناكۆكەكان نێچیرڤان بارزانی رایگەیاند، ئەوان ئامادەن بۆ گەڕانەوەی پێشمەرگە بۆ كەركوك و ناوچە جێناكۆكەكان و پاراستنی ئەو ناوچانە، بەلام تا ئێستا هیچ کۆبونەویەکیان لەگەڵ حكومەتی عێراقدا ئەنجامنەداوە، کە ئەوەش بوەتە ماییە نیگەرانی ئێمە".