پۆلیسی سلێمانی: کرێکارێک لەكاتی كاركردندا گیانی لەدەستدا

پۆلیسی پارێزگای سلێمانی رایگەیاند، لە گەڕەكی بەختیاری لەشاری سلێمانی کرێکارێک لەكاتی كاركردنیدا كەوتووەتەخوارەوە و گیانی لەدەستداوە.

بەگوێرەی راگەیەندراوێکی بەڕێوەبەرایاتی پۆلیسی سلێمانی کە وێنەیەکی دەست "سپی" کەوتووە، تیایدا ئاماژە بەوەکراوە، دوای گەیشتنی هێزەكانی پۆلیس و تیمە فریاگوزارییەكان هاوڵاتییەكە بۆ نەخۆشخانەی فریاكەوتنی سلێمانی گواستراوەتەوە، بەڵام بەهۆی سەختی برینەكەیەوە گیانی لەدەستدا .

پۆلیسی سلێمانی ئاشکراشی کردووە، هاوڵاتییەكە ناوی ( أ ، ن ، ر ) ەو لەدایكبووی ١٩٨١، پیشەی كرێكار بووە و لەكاتی كاركردنیدا لە پەیژەی بینایەكەوە كەوتووەتە خوارەوە و دوای گەیاندنی بۆ نەخۆشخانە لەوێ‌ گیانی لەدەستداوە .



ئه‌م بابه‌ته ‌6300 جار خوێنراوه‌ته‌وه‌‌

PM:02:14:12/07/2018