هاوڕێ مەحمود، ئەندامی ئەنجومەنی گشتی (سەرکردایەتی) هاوپەیمانی بۆ دیموکراسی و
دادپەروەری دەستلەکارکێشانەوەی لە حزبەکەی ڕاگەیاند .
لە پێگەی تایبەتی خۆی لە تۆڕی کۆمەڵایەتی فەیسبووک، هاوڕێ مەحمود
نوسیویەتی "دەست لەکارکێشانەوەی خۆم لە ڕیزەکانی( هاوپەیمانی بۆ دیموکراسی و
دادپەروەری) ڕائەگەیەنم و ئەوە ئەخەمە ڕوو کەلەنوسینی ئەم دەستلەکارکێشانەوە
بەدواوە، دوور و نزیک، بەئاشکراو بەنهێنی، هیچ پەیوەندیەکم بەڕیزەکانی (هاوپەیمانی
بۆ دیموکراسی و دادپەروەری) نەماوەو نامێنێت."
لە بارەی هۆکاری دەستلەکارکێشانەوەکەشەوە
نوسیویەتی بەوهۆیەوەو بۆ ڕێزگرتن لەکەسایەتی و پێگەی ئەکادیمی و کۆمەڵایەتی
وسیاسیم و نرخ دانان بۆ (ڕا ) بێ وەڵامەکانم ، هەروەها بەمەبەستی ئەوەش کە کلتوری
پەراوێزخستنی خەڵکانی ئەکادیمی لەلایەن بەرپرسە باڵاکانەوە تێبپەڕێنم و پیرەمێرد
ئاسا بڵێم: ( سوراحی سەر فروو دێنێ لەبۆ پیاڵە کە تێکا بۆی!)
دەقی دەستلەکارکێشانەوەکەی
بەڕێز / ( د.بەرهەم ئەحمەد ساڵح ) سەرۆکی هاوپەیمانی بۆ دیموکراسی و دادپەروەری
بابەت: دەستلەکار کێشانەوە( استقالة)
بەرێز
سەرۆکی هاوپەیمانی بۆ دیموکراسی و دادپەروەری : سڵاوی دیموکراسی و قبوڵکردنی
بیروڕای جیاوازتان پێشکەش.
من
(هاوڕێ مەحمود رەسوڵ) کە لەسەرەتای دروستبوونی هاوپەیمانیەوە هاوڕێتان بووم و
بەپەرۆشەوە وەک هاودیدێکی دڵسۆزی هاوپەیمانی بەوپەڕی بەرپرسیاریتیەوە ئەرکی
سەرشانم لەهەردوو دامەزراوەی ( پەیوەندیەکان )و (میدیایی) بەجێهێناوە.
هاوکات
تاکو ڕۆژی هەڵبژاردنیش (کارگێری راگەیاندنی دەڤەری سلیمانی) بووم کە سەرپەرشتی
کاروباری میدیایی سەرجەم بازنەکانی( ناوشاری سلێمانی و هەروەها بازنەکانی سنوری
چەمچەماڵ و دەوروبەری، دوکان و دەوروبەری، شارباژێر و دەوربەری، شارەزور و
دەوروبەری)م کردوە بەئاگاداری ڕاستەوخۆی بەرێز (م.چیا ئیسماعیل) ئەندامی ئەنجومەنی
بەرێوەبردن و بەرپرسی سۆشیال میدیای هاوپەیمانی لەئەنجومەنی بەڕێوەبردن لەوکاتەدا.
هاوکات
لەهەڵمەتی بانگەشەی هەڵبژاردنیشدا وەک (هەڵسەنگێنەری هۆبەی نوسراو لەدامەزراوەی
میدیایی)دا هەڵسەنگاندن و پێداچونەوەم بەسەرجەم ئەو وتارو بابەتانەدا کردوە کە لە
هۆبەی نوسراوی دامەزراوەیی میدیایەوە بڵاوکراونەتەوە بە ئاگاداری ڕاستەوخۆی بەرێز
( م.جەلال ئەحمد ).
هەروەک
لە لەکاتی خۆپیشاندانی مامۆستایانی زانکۆدا لە چوارچێوەی ( تۆڕی مامۆستایانی
زانکۆی هاوپەیمانیدا) بە بەشداری و هوتاف و دەیان چاوپێکەوتنی تەلەفیزیۆنی هەمیشە
چالاک و لەڕیزی پێشەوە بووم.
لەئێستاشدا
کە ئەندامی (ئەنجومەنی گشتی هاوپەیمانی- سەرکردایەتی- ) و هاوکات ئەندامی (
دامەزراوەی میدیایی) و (دامەزراوەی ڕاهێنان و گەشەپێدان) و هەروەها ئەندامی (بەشی
میدیایی دەڤەری سلێمانی)م.
لێرەوەو
(لەبەر ئەوهۆکارانەی کەمانگێک لەمەوپێش لەنامە شەش لاپەڕەییەکەمدا کەلەڕێگەی بەڕێز
( م.ئارام قادر)ەوە ئاڕاستەی بەڕێزتانم کردوو داوای هەڵوێست و وەڵامم لێکردبوون و
تیایدا ئەوەشم خستبووە ڕوو کە لە کاتی وەڵام نەدانەوەم دا توندترین هەڵوێستم
ئەبێت) و ئێوەش تاکو نوسینی ئەم دەستلەکارکێشانەوەیەم بێ وەڵام بوون!
بەوهۆیەوەو
بۆ ڕێزگرتن لەکەسایەتی و پێگەی ئەکادیمی و کۆمەڵایەتی وسیاسیم و نرخ دانان بۆ (ڕا
) بێ وەڵامەکانم ، هەروەها بەمەبەستی ئەوەش کە کلتوری پەراوێزخستنی خەڵکانی
ئەکادیمی لەلایەن بەرپرسە باڵاکانەوە تێبپەڕێنم و پیرەمێرد ئاسا بڵێم: ( سوراحی
سەر فروو دێنێ لەبۆ پیاڵە کە تێکا بۆی!)
دەست
لەکارکێشانەوەی خۆم لە ڕیزەکانی( هاوپەیمانی بۆ دیموکراسی و دادپەروەری)
ڕائەگەیەنم و ئەوە ئەخەمە ڕوو کەلەنوسینی ئەم دەستلەکارکێشانەوە بەدواوە، دوور و
نزیک، بەئاشکراو بەنهێنی، هیچ پەیوەندیەکم بەڕیزەکانی (هاوپەیمانی بۆ دیموکراسی و
دادپەروەری) نەماوەو نامێنێت.
خۆشحاڵیشم
بەبەسەربردنی ئەوکاتانەی لەگەڵ بەرێزتان و سەرجەم هاودیدانی رێزدار پێکەوە سەرقاڵی
کار و چالاکی بوین.
هاوکات سوپاسی متمانەی بەریزتان ئەکەم کەبەتایبەت داواتان لێکردم
کەکاندید بم لەسەر لیستی هاوپەیمانی بۆ پەرلەمانی عیراق بەڵام رەتمکردەوە .
لەقۆناغی
پێکەوەکارکردنماندا لەهیچ هەنگاوێکم پەشیمان نیم و بەڵکو بەوێستگەیەکی گرنگی
ژیانمی ئەزانم.
لەکۆتاییدا
هیوام سەرکەوتنتانەو ئێوەو هەموو ئەو هاوڕێیانەی لەرێگەی هاوپەیمانیەوە ناسیومن بۆ
هەمیشە گەنجینەیەکی بەهاداری مرۆیین بۆ من لەسنوری هاوڕێیەتیدا......
بۆهەمیشەش
داکۆکیکاری سەرسەختی ئازادی و دیموکراسی و ماف و غەمی خەڵک و دادپەروەری
کۆمەڵایەتی ئەبم.
لەگەڵ
ڕێزی:
هاوڕێ مەحمود
ئەندامی دەست لەکار کێشاوەی ئەنجومەنی گشتی (سەرکردایەتی)
هاوپەیمانی و مامۆستای زانکۆ