لە هەرسێ پارێزگای بەسرە و زیقار و نەجەف لە
نیوەڕۆی ئەمڕۆوە خۆپیشاندان دەستیپێکرد و کاتژمێر چواریش لە بەغدا خۆپیشاندان
دەستپێدەکات.
پێشنیوه‌ڕۆی ئه‌مڕۆ جارێكی تر هاوڵاتیان دژی
کەمی کارەبا و ئاوخۆپیشاندانیان ئەنجامدا و داواكارییەكانیشان هیچ گۆڕانكاریەكی بەسەردا
نەهاتووە، كە بریتین لە دابینكردنی كارەبا و ئاوی خواردنەوە و هەلی كار و
بنەبڕكردنی گەندەڵی.
هەروەها مەبەست لە خۆپیشاندانەکانی
ئەمڕۆ وەک پشتگیریەکە لە ئەو کەسانەی کە لە خۆپیشاندانەکاندا کوژراو و برینداربوون
هەروەها خۆپیشاندەران دەیانەوێت ئەو بڕیارانەی کە حکومەتی عێراق دەریکردووە بۆ
جێببەجێکردنی خزمەتگوزارییەکان لە بەسرە لە شارەکانی تری عێراقیشدا جێبەجێبکرێت.
پێشبینیش دەکرێت خۆپیشاندانەکانی
ئەمڕۆ زیاتر فراوان بێت و بەرپرسە حکومییەکانیش ڕایگەیاندووە لە ماوەیەکی کەمدا
داواکاری خۆپیشاندەران جێبەجێ دەکەن.