پارێزگاری هەولێر وردەکاریی ڕووبەڕووبوونەوەی هێرشە تیرۆریستییەکەی
سەر بارەگای پارێزگای هەولێری ڕاگەیاند و دواتر بەڕێوەبەری ئاسایشی هەولێر ڕوونی
کردەوە ناسنامەی سەرجەم "تیرۆرستەکانیان لا ئاشکرایە
نەوزاد
هادی، پارێزگای هەولێر لە کۆنگرەیەکی ڕۆژنامەوانیدا وتی ”بەیانیی ئەمڕۆ کاتژمێر
٧:١٢ خولەک، سێ تیرۆریست هەڵیانکوتایە سەر بارەگای پارێزگای هەولێر. لە کاتێکدا
باڵاخانەیەکی مەدەنییە و شەو و رۆژ لە خزمەتی هاووڵاتییانە. ئەم پۆلیس و پاسەوان و
فەرمانبەرانە لە خزمەت هاووڵاتییان دان. تیرۆریستان پێشتریش هەڵیانکوتاوەتە سەر
پارێزگا و پۆلیسێکیان بریندار کرد، هەر ئەوکاتە چوونە نێو بارەگای پارێزگا، دەست
بەجێ قارەمانەکانی ئاسایشی هەولێر هاتنە نێو باڵاخانەکە و لە ماوەیەکی کورتدا
دۆخەکە کۆنتڕۆڵ کرد و هەرسێ تیرۆریست کوژران. بەداخەوە خزمەتگوزارێک شەهید کرا".
هەروەها
دڵنیایی دا بە هاولاتیان و ڕایگەیاند ”خەڵکی دڵنیا دەکەینەوە کە دەزگا ئەمنی و
فەرمانبەر و ئاسایش و پۆلیس لە خزمەت هاووڵاتییان و خەڵکی خۆشەویستی کوردستان
دەبێت و ئەم جۆرە عەقڵیەتە دواکەوتووانەیە و تیرۆریستییانە ناتوانن کارمەند و
قارەمانانی ئێمە بێئومێد بکەن. خەڵک دڵنیا دەکەینەوە ئێمە لە خزمەت هاووڵاتییان
دەبین".
هاوکات
تاریق نووری، بەڕێوەبەری ئاسایشی هەولێر ڕایگەیاند: ”ناسنامەی تیرۆریستەکان لای
ئێمە ناسراون و خەڵکی هەولێرن و دواتر لێکۆڵینەوەی زیاتر لەبارەی ڕووداوەکەوە
دەکەین. دواتر بۆ ڕای گشتی ئاشکرا دەکەین".