بڕیارە ئەمڕۆ سێشه‌ممه 24ى ته‌مموز، له شارۆچكه‌ی پردێ شاندێكی حكومه‌تی هه‌رێم لەگەڵ شاندێكی ته‌كنیكی حكومه‌تی عێراق كۆببنه‌وه.
بەپێی زانیارییەکانی "سپی" کۆبونەوەکەی نێوان هەردوو شاندی حکومەتی هەرێم و بەغدا بۆ گفتوگۆکردنە له‌سه‌ر كردنه‌وه‌ی رێگای سەرەکی نێوان هه‌ولێر- كه‌ركوك، کە لەدوای ئەنجامدانی ریفراندۆم داخراوە.
لەدوای رووداوەکانی 16ی ئۆکتۆبەری 2017 رێگەی هەولێر-کەرکووک داخرا، لەو کاتەوە حکومەتی عێراق رەزامەندی لەسەر کردنەوەی رێگاکە دەرنەبڕیوە.
جێی ئاماژەیە رێگەی هەولێر - کەرکووک بە رێگەیەکی گرنگی بازرگانی نێوان هەرێمی کوردستان و بەشەکانی دیکەی عێراق دادەنرێت، لە کاتی داخستنییەوە زیانی گەورەی کەرتی گەشتیاری و بازرگانی بازاڕ و کاسبی هاوڵاتیان گەیاندووە.