پۆلیسی کەرکوک رایگەیاند، باندێکی سێ کەسی دەستگیرکراون، کە هەستاون بە کاری دزیکردن و هەڵکوتانە سەر ماڵی هاوڵاتیان.
لە راگەیەندراوێکدا کە ئەمڕۆ پێنجشەممە 2ی ئاب، بەڕێوەبەرایەتی پۆلیسی کەرکوک بڵاویکردوەتەوە، ئاماژەی بە دەستگیرکردنی باندێک کردووە، کە لەسێ کەس پێکهاتوون بە ناوەکانی (ش.ع) و (م.ع) و (ب.ب).
ئەوەشی خستوەتەڕوو، باندەکە لەکاتی دەستگیرکردنیاندا دانیان بەوەدا ناوە کە کاری دزینی ئۆتۆمبێل و هەڵکوتانە سەر ماڵانیان بەچەکەوە ئەنجامداوە.
لە بەشێکی دیکەی راگەیەندراوەکەی پۆلیسی کەرکوکدا هاتووە، لە ئێستادا بەفەرمانی دادوەری لێکۆڵینەوە، هەر سێ دەستگیرکراوەکە بەپێی مادەی 442ی دزی بەندکراون.