تایبەت بە سپی
ئەندامێکی ئەنجومەنی
بەڕێوەبردنی هاوپەیمانی دیموکراسی و دادپەروەری ڕایگەیاند کە ئەوان لەگەڵ
ئەنجامدانی هەڵبژاردندان لە کاتی خۆیدا و نە داوای داخستنیان کردووە و نە
لەگەڵ ئەو هەوڵەشدان.
عوسمان گوڵپی ئەندامی ئەنجومەنی بەڕێوەبردنی هاوپەیمانی دیموکراسی و
دادپەروەری، بە سپی میدیا ڕاگەیاند "دەبێت هەڵبژاردن لە وادەی خۆیدا ئەنجام
بدرێت و پرۆسەی دیموکراسی بکەوێتە سەر ڕاڕەوی خۆی و دژی هەموو هەوڵێکیشین کە لەو
بارەیەوە بدرێت".
ئەو بەرپرسەی هاوپەیمانی جەختیشی کردەوە کە دۆخی کوردستان بە شێوەیەک
نییە تا هەڵبژاردن تێیدا دوابخرێت و ناکرێت بە هۆی دۆخی ناوخۆی حزبێکەوە
هەڵبژاردنەکان دوابخرێت و پێویستە هەڵبژاردن هەموو کاتێک لە کاتی خۆیدا
ئەنجامبدرێت و ئەوە بۆ پرۆسەی دیموکراسی گرنگە و ئەوان بە هەمووشێوەیەک پاڵپشتی
پرۆسەی دیموکراسین.