هاوپەیمانی: پەیوەست نابین بە راگەیاندنی دەرئەنجامەکانی هەڵبژاردن

شەوی رابردوو کۆمسیۆن ئەنجامی جیاکردنەوەی دەستی دەنگەکانی راگەیاند و هیچ گۆڕانکارییەک لە ئەنجامی دەنگەکاندا رووینەداوە، ئەندامێکی ئەنجومەنی بەڕێوەبردنی هاوپەیمانیش ڕەخنە لە ڕێکارەکانی کۆمیسیۆن دەگرێت.

عوسمان گوڵپی، ئەندامی ئەنجومەنی بەڕێوەبردنی هاوپەیمانی بۆ دیموکراسی و دادپەروەری بە میدیای حزبەکەی راگەیاند، کۆمسیۆن لە ژماردنەوەی هەموو دەنگەکانەوە هاتە سەر جیاکردنەوەی ژمارەیەک سندوقی کەم ئەوەش تەنها بۆ ئەوە بوو کە ئەو ساختەکارییە تێبپەرێنن و ئەوجۆرە مامەڵەیە لەگەڵ سندوقەکاندا مامەڵەیەکی ناتەندروست بوو.

ئاماژەی بۆ ئەوەشکرد هەرلەسەرەتاوە روون بووە ئەنجامەکان چۆن دەردەچن، چونکە کۆمسیۆن بەپێی یاساکەی پەرلەمان و بڕیاری دادگاش کاریان نەکرد و لە بەرژەوەندی خۆیان کاریان کردووە.

وتیشی "تانە لەو ئەنجامانە دەدەین و سكاڵا تۆماردەکەین و هیچ پەیوەست نابین بە راگەیاندنی ئەو دەرئەنجامانەوە".


ئه‌م بابه‌ته ‌1846 جار خوێنراوه‌ته‌وه‌‌

AM:11:42:10/08/2018