ژنێکی کوردی 18 ساڵ مێردەکەی کوشت

لە گەرەکی ئازادی شاری کەرکووک ژنێکی تەمەن ھەژدە ساڵ هاوسەرەکەی بە فیشەک کوشت.

عەقید ئەفرسیاو کامیل وەیس، وتەبێژی پۆلیسی کەرکووک بە ڕووداوی وتووە "ژنێک بەناوی ف-ئ کە لەدایکبووی ساڵی 2000ـە لەماڵەکەی خۆی بە فیشەک ھاوژینەکەی دەکوژێت و ھەڵدێت".

ڕاشیگەیاندووە "دوای زانینی روداوەکە و ئاگادارکردنەوەی بازگە و دەزگا ئەمنییەکان، ھێزەکانی ئاسایشی ھەرێمی کوردستان لە شارۆچکەی چەمچەماڵ ژنەکە دەستگیردەکەن و بڕیارە رادەستی پۆلیسی کەرکووکی بکەنەوە".

ڕونیشی کردووەتەوە "ژنەکە دانی بە تاوانەکەیدا ناوە، بەڵام ھێشتا روون نەبووەتەوە کە بۆچی ھاوژینەکەی کوشتووە".


ئه‌م بابه‌ته ‌1494 جار خوێنراوه‌ته‌وه‌‌

PM:04:36:10/08/2018