ئەم هەفتەیە مووچەی مانگی ئایاری چەند وەزارەت و دەستەیەكی فەرمانبەرانی هەرێم دابەشدەكرێت و بە موچەی شەهیدان و ئەنفالکراوانیش دەستپێدەکات.
بەگوێرەی ئەو زانیاریانەی لە گەنجینەکانەوە دەست "سپی میدیا" کەوتووە سبەی یەكشەممە مووچەی شەهیدان و ئەنفال و زیندانیانی سیاسی و وەزارەتی كاروباری شەهیدان و ئەنفالكراوان و وەزارەتی خوێندنی باڵا و توێژینەوەی زانستی دابەشدەكرێت.
بەپێی هەمان سەرچاوە رۆژی دووشەممەش مووچەی ئەنجومەنی دادوەری، وەزارەتی داد، وەزارەتی ئەوقاف و وەزارەتی سامانە سروشتییەكان دابەشدەكرێت.
هاوكات رۆژی سێشەممە مووچەی وەزارەتی كاروباری كۆمەڵایەتی و كەمئەندامان دابەشدەكرێت و رۆژی چوارشەممە مووچەی ئەنجومەنی ئاسایش دابەشدەكرێت.
ئەوە لەکاتێکدایە کە حکومەتی هەرێم چاوەڕوانی حکومەتی بەغدایە کە بڕی ٣١٧ ملیار دینار بنێرێت بۆ هەرێم، تا مووجەی سەرجەم وەزارەتەکان پێش جەژنی قوربان دابەشبکات.