هاوپەیمانی دیموکراسی و دادپەروەری ڕاگەیەندراوێکی بڵاوکردەوە و
ڕایگەیاند پێویستە دایەلۆگی نیشتیمانی لە کوردستان بۆ دەربازبوون لە دۆخی
چەقبەستوی سیاسی و چارەسەر باری بژیوی کۆمەڵانی خەڵک ئەنجام بدرێت..
بە گوێرەی ڕاگەیەندراوێک د.بەرهەم ساڵح، سەرۆکی
هاوپەیمانی دیموکراسی و دادپەروەری کۆبوونەوەی ئاسایی دامەزرێنەران و
ئەنجومەنی بەڕێوەبردنی ئەنجامداوە باس لە ئامادەکاریەکانی هاوپەیمانی کرا بۆ
هەڵبژاردنی پەرلەمانی کوردستان و جەختکرایەوە لەسەر گرتنی ڕێکاری یاسایی و
سیاسی بۆ فەراهەمکردنی کات و زەمینەی هەڵبژاردنێکی پاک و بێگەرد، دوور لە تەزویر و
ساختەکاری. هەروەها لە کۆبوونەوەکەدا بڕیاردرا لیژنەیەکی باڵا دروستبکرێت بۆ
ئامادەسازی پیویست بۆ بەڕیوەبردنی پرسی هەڵبژاردنەکان.
ڕاشیانگەیاندووە باس لە یەکڕیزی و پتەوی ڕێکخراوەیی
هاوپەیمانی و پێداگری لهسەر پەیامی چاکەخوازانەی بۆ ڕزگارکردنی هەرێم لە
قەیرانەکان. هاوکات لە کۆبوونەوەکەدا بە چڕوپڕی گفتوگۆکرا لەبارەی هەموارکردنەوەی
پەیڕەوی ناوخۆی هاوپەیمانی.