وه‌زیری به‌رگری توركیا رایدەگەیەنێت، راھێنانە هاوبەشەکەی تورکیا و ئەمریکا لە نزیکترین کاتدا لە مەنڤەج دەستپێدەکات.
ماڵپەڕی فەرمی وەزارەتی بەرگری تورکیا لە زاری خولوسی ئاکار، وەزیری بەرگری وڵاتەکەی بڵاویکردەوە بەم نزیکانە راھێنانی ھاوبەش لە نێوان سوپای ئەمریکا و تورکیا لە مەنڤەج دەستپێدەکات.
وەزیری بەرگری تورکیا ئاماژەی بەوەشكردووە، چالاکییەکانی دەستەبەرکردنی سەقامگیری و ئاسایشی ناوچەکە بە ھەماھەنگی سوپای تورکیا و ئەمریکا لە چوارچێوەی نەخشەرێگای منبج ھەروەکو پێشتر پلانی بۆ دانراوە جێبەجێدەکرێت.
هاوکات،
جەیمس ماتیس، وەزیری بەرگریی ئەمریکا ئاشكرای کردووە، کە راهێنانە سەربازییەکەی تورکیا و ئەمریکا، سێ رۆژی دیکە بەمەبەستی ئەنجامدانی دەورییە هاوبەشەکان دەستپێدەکاتەوە.