ئەو وەفدە سیاسییەی کە دوێنی گەیشتنە بەغدا و
لەگەڵ فوئاد مەعسوم سەرۆک کۆماری عێراق کۆبوونەوە تەنها لە مەلا بەختیار و فازڵ
میرانی پێکهاتوون و لەگەڵ هیچ لایەنێکی سیاسیش کۆنابنەوە.
میدیایەکی عێراقی بڵاویکردوەتەوە، کە ئەو
وەفدە کوردییەی کە گەیشتووەتە بەغدا مەبەست لێی دانوستانکردن نییە، بەڵکو لە
چوارچێوەی ئەو لێکتێگەیشتن و دیدارانەدایە، کە سەرۆک کۆمار لەگەڵ لایەنە براوەکانی
هەڵبژاردن ئەنجامی دەدات بۆ دیاریکردنی یەکەم کۆبوونەوەی پەرلەمان.
ماڵپەڕی
سۆمەریە نیوز لە زاری سەرچاوەیەکەوە کە نەیویستووە ناوی ئاشکرا بکرێت ڕوونی
کردووەتەوە، کە مەلا بەختیار و فازڵ میرانی لەگەڵ هیچ لایەنێکی سیاسی کۆنابنەوە و
هیچ وەرەقەیەکی دانوستاندنیشیان پێ نییە.
ئەمەش
لە کاتێکدا دێت کە ئەمڕۆ چوار لایەنی سیاسی بۆ دانوستاندن بۆ پێکهێنانی حکومەتی
نوێی عێراق گەیشتە بەغدا.