ئەمڕۆ دووشەممە ژمارەیەک لە چەکدارانی داعش هێشیان کردووەتە سەر گوندێک لە سنووری پارێزگای کەرکووک و 10 کەسیان کوشتووە
عەمید ئیدریس رەفعەت، بەڕێوەبەری ئاسایشی کەرکووک بە میدیای نزیک پارتی رایگەیاند "بەیانی ئەمڕۆ دووشەممە چەند چەکدارێکی داعش هێرشیان کردووەتەسەر گوندی ئەبوشاهر لە سنووری ناحیەی یایچی سەر بە پارێزگای کەرکووک و 10 کەسیان لەو گوندە کوشتووە".
ئاماژەی بەوەشکردووە، لە ئیستادا هیچ هێزێکی ئەمنی لەو ناوچەیەدا نییە و، دوای رووداوەکەش چەکدارەکان گوندەکەیان جێهێشتووە.