ئۆفیسی سلێمانی كۆمسیۆنی باڵاى سەربەخۆى هەڵبژاردن و راپرسى سەرقاڵى ئامادەكارییەكانی پڕۆسەی دەنگدانی تایبەت و گشتی هەڵبژاردنی پەرلەمانی كوردستانە.
ئۆفیسى سلێمانى کۆمسیۆن لە پەیجى تایبەتى خۆى بڵاویکردەوە، هۆبەی لۆجستی و گواستنەوە لە ئۆفیسی سلێمانی كۆمسیۆنی باڵای سەربەخۆی هەڵبژاردن و ڕاپرسی لە ئێستادا ئامادەكاریی بۆ پڕۆسەی دەنگدانی تایبەت و گشتی هەڵبژاردنی پەرلەمانی كوردستان دەكات.
ئاماژەى بەوەشکردوە، تەواوی سندوقەكانی بنكەكانی دەنگدانی تایبەت و گشتی ئامادە كراون.
بڕیارە ٣٠ ى ئەم مانگە هەڵبژاردنى خولى پێنجەمى هەڵبژاردنى پەرلەمانى کوردستان بەڕێوەبچێت و کۆمسیۆنى باڵاى سەربەخۆى هەڵبژاردن و راپرسى هەرێمیش سەرقاڵى ئامادەکارییەکانى ئەنجامدانى پرۆسەکەیە.