میزەڵدان ئۆرگانێکی سەرەکی لەشە ،  هەندێک  کەس لەکاتی دەرکردنی میزدا تووشی ئازار دەبێت ئەمەش بۆ هۆکارێکی سەرەکی دەگەڕێتەوە ئەویش باش میز نەکردنە بە باشی، میز نەکردنیش بۆچەند هۆکارێک دەگەڕێتەوە کە ئەمانەن:

1ـ هەوکردنی بۆری میز: ئەمە ڕوودەدات کاتێک بەکتریایەکی زۆر کۆدەبێتەوە لەڕێڕەوی میزدا  ئەم بەشە لە گورچیلەوە دەڕوات بۆ میزەڵدان  دواتر لەڕێی بۆرییەکانی میزەوە دەکرێنە دەرەوە.

ئەو کەسانەی تووشی ئەم حاڵەتە دەبن ئەم نیشانانەیان هەیە

ـ  زوو زوو میز کردن

ـ هەبوونی خوێن لەگەڵ میزدا

ـ تا لێهاتن

ـ بۆنی میز

ـ  هەبوونی ئازار لەپشت و کەلەکدا

2ـ  تووشبووی بە هەوکردن بەهۆی کرداری سێکسەوە:  هەندێک جار بەهۆی کرداری سێکسەوە تووشی ئازاروو هەوکردن دەبی لە ڕێڕەوی میزدا.

ـ هەوکردنی پرۆستات:  بەکتریا هۆکارە بۆ تووشبوون بە هەوکردنی پرۆستات . ئەمەش هۆکارە بۆ ئەم شتانە...

ـ بەگرانی میزکردن

ـ هەبوونی ئازار لەمیزەڵدان، گون، و چۆکدا

ـ زوو زوو میز کردن بەتایبەت لەشەواندا.

3ـ  بەردی گورچیلە: بەردی گورچیلە کۆبوونەوەی ماددەکانی وەک کالسیۆم ، ترشی میز، کە لەدوورووبەری گورچیلەدا کۆدەبنەوە. نیشانەکانی ئەمانەن...

ـ بوونی ئازار لە پشت و کەلەکەدا

ـ هێڵنجدان

ـ گۆڕینی ڕەنگی میز بۆ پەمەی، یاخود مەیلەو قاوەی

ـ ڕشانەوە

ـ تا لێهاتن

4ـ درووست بوونی کیس لەسەر منداڵدان لە ئافرەتاندا:  درووستبوونی کیس لەسەر منداڵدان پەستانێکی زۆر دەخاتە سەر میزەڵدان ئەمەش دەبێتە هۆی درووست بوونی ئازار لەکاتی میزکردندا.

5ـ خواردنی هەندێک حەپ و دەرمان  : خواردنی هەندێک دەرمان وەک ئەو دەرمانانەی پزیشک دەینوسێ بۆ شێرپەنجەی میزەڵدان دەبێتە هۆی هەوکردن و ئازار لە میزەڕۆدا.

6ـ تووشبوون بەشێرپەنجەی میزەڵدان: شێرپەنجە ڕوودەدات کاتێک خانە شێرپەنجەیەکان لەڕادەبەر زیاد دەکەن  ئەمەش دەبێتە هۆی درووست بوونی ئازار لەمیزەڵداندا.

وە : هە - ف

سەرچاوە: .medicalnewstoday.com