سبەی 18ی تشرینی یەكەمی 2018 مووچەی مانگی تەمموزی فەرمانبەرانی چەند وەزارەتێكی حكومەتی هەرێمی كوردستان دابەشدەكرێت.
سەرچاوەیەكی ئاگادار لە وەزارەتی دارایی حكومەتی هەرێمی كوردستان بە "سپی میدیا"ی ڕاگەیاند سبەی مووچەی فەرمانبەر و كارمەندانی وەزارەتەكانی شارەوانی، كشتوكاڵ، گواستنەوە، كارەبا، پلاندانان و دیوانی چاودێری دارایی دابەشدەكرێت.
ئەو سەرچاوەیە وتیشی "بڕیارە تا رۆژی یەكشەممەی داهاتوو مووچەی مانگی تەمموزی فەرمانبەرانی سەرجەم وەزارەتە مەدەنییەكان دابەشبكرێت".
ئاشكراشیكرد كە لە ناوەڕاستی هەفتەی داهاتوودا موچەی خانەنشینانی سەربازی و مەدەنی دابەش دەكرێت.