خانمە میدیاكار و بازرگان زرێبار هەورامی وەڵامی ئەو توانج و تۆمەتانە دەداتەوە كە ڕوبەڕوی دەبێتەوە.
زرێبار لە هەژماری تایبەتی خۆی لە تۆڕی كۆمەڵایەتی ئینستاگرام ستۆریەكی داناوە و نوسیویەتی "دەزانن پێكەنینم بەچی دێت؟ بەوەی هەندێك دەڵێن زرێبار بە پارەی میللەت كاری بازرگانی دەكات یا كەسێك و حزبێك لە پشتیەتی! ئاخر تۆزی بیر بكەنەوە ئەوان نایانەوێت گەنج ئیش بكات ، تیتر چۆن پارە دەدەن بەمن ئیشی پێ بكەم؟".
هەروەها زرێبار باس لەوە دەكات كە چەنین حیزب و كەسایەتی سیاسی داوایان لێكردوم ئیشیان لەگەڵ بكەم بەڵام من ڕەتم كردۆتەوە و دەڵێت "ئەگەر هەر كەسێك و لایەنێكم لە پشت بوایە ئێستا بە جیهانی دەرەوەی ناساندبوم".
زرێبار هەورامی ساڵی 1993 لە قەدیل لەدایك بووە و وەك بێژەرەی هەواڵ لە كەناڵی (NRT) دەركەوت، بەڵام وازی لە بێژەری هێنا و كاریگەیەكی تایبەتی دوورینی جل و بەرگی سەربازی دامەزراند.