وەزارەتی دارایی و ئابوری حكومەتی هەرێمی كوردستان بەردەوامە لە دابەشكردنی مووچەی فەرمانبەران و لەم هەفتەیەدا چەند وەزارەتێک مووچە وەردەگرن.
سەرچاوەیەك لە وەزارەتی دارایی و ئابووری حكومەتی هەرێمی كوردستان بە "سپی"ی راگەیاند "ئەمڕۆ دووشەممە 10ی كانوونی یەكەمی 2018، مووچەی وەزارەتی تەندروستی دابەش دەکرێت".
سەرچاوەكە ئاماژەی بەوەشدا لەم هەفتەیەدا مووچەی وەزارەتەکانی دارایی و خوێندنی باڵا و توێژینەوەی زانستی دابەشدەكرێت.
ڕۆژی 5ی ئەم مانگە دابەشکردنی موچەی مانگی ئەیلولی فەرمانبەران و موچەخۆرانی هەرێم دەستیپێکرد و تا ئێستا وەزارەتی پێشمەرگە و پەروەردە مووچەیان وەرگرتووە.