ئەمڕۆ دووشەممە 17ی كانونی یەكەمی 2018 دادگای كارگێڕی عیراق بەبڕیاری ژمارە 2988/2018 ،سەرجەم بڕیارەكانی حەیدەر عەبادی، سەرۆك وەزیرانی پێشووی عیراقی بۆ دورخستنەوەی فالح فەیاز لەراوێژكاری ئاسایشی نیشتمانی و سەرۆكی دەزگای ئاسایشی نیشتمانی و سەرۆكی دەستەی حەشدی شەعبی هەڵوەشاندەوە.
هەروەها دادگاكە بڕیاریشیداوە کە فالح فەیاز لەبەڕێوەبردنی پۆستەكانی دەستبەكار ببێتەوە كە هەرسێ پۆستی راوێژكاری ئاسایشی نیشتمانی و سەرۆكی دەزگای ئاسایشی نیشتمانی و سەرۆكی دەستەی حەشدی شەعبی بەڕێوە دەبرد.