ئەو ئەندامانەی لەش کامانەن کە مرۆڤ دەتوانێت بەبێ بوونیان بژی
بێگومان هەموو ئەندامێکی لەش گرنگی تایبەتی خۆی هەیە هەریەکەیان بەرپرسە لە لە ئەنجامدانی ئەرکێک و بەڕێوەبردنی کارێک لە پێداویستییەکانی جەستە، ڕەنگە گوێبیستی ئەوەش بوبی کە مرۆڤ بتوانێ بە یەک گورچیلەوە بژی جگە لەم ئەندامە چەند ئەندامێکی دیکە هەن کە مرۆڤ دەتوانێت بەبێ بوونی ئەوانەش بژی.
ـ سی: لەشی مرۆڤ لە دووسی پێک دێت ئەگەر بێتو یەکێک لەم سیانە لەناو بچێت مرۆڤ دەتوانێت بژی بە بوونی یەکێکیان.
ـ ڕیخۆڵە کوێرە: ئەم ڕیخۆڵەیە نزیک ڕیخۆڵە ئەستورەیە زۆرێک لە خەڵکی ئەم ڕیخۆڵەیەیان دەر دەهێنرێت بەهۆی ئەوەی لەهەندێک حاڵەتدا تووشی ئاوسان و ئازار دەبێت بۆیە لەکاتی هەبوونی ئەم حاڵەتەدا پزیشک هەڵدەستێت بەدەرهێنانی، ئەگەرمرۆڤ ئەم ڕیخۆڵەیەشی نەبێ ئەواهەر دەتوانێت بژی.
ـ زراو: ئەم ئۆرگانەش زۆر گرنگە لە نەرم کردن و ساف بونی کرداری هەرسدا یارمەتی باڵانس ڕاگرتنی خۆراک و فایبەری لەش دەدات هەرچەندە مرۆڤ بەبێ ئەم ئۆرگانە لەشی تەندروست نابێت بەڵام هەر دەتوانێت بەبێ بوونیشی بژی.
ـ گەدە: ڕەنگە بەلاتەوە سەیر بێت کە مرۆڤ بەبێ بوونی گەدە بتوانێت بژی، بەڵام ئەوکەسانەی تووشی نەخۆشی گەدە دەبن بەتایبەتی شێرپەنجەی گەدە زۆرێک لەونەخۆشانە بەشێک لەگەدەیان دەبڕدرێت .
ـ سپڵ: سپڵ یەکێکە لەو ئۆرگانانەی یارمەتی بەرگری لەش دەدات و خوێن پاک دەکاتەوە، کاتێک کەسێک تووشی شێرپەنجە یاخود نەخۆشی سپڵ دەبێ پزیشک هەڵدەستێت بە دەرهێنانی .
ـ گورچیلە: هەردوو گورچیلەی مرۆڤ ڕۆڵی گەورەو گرنگ دەگێڕن لەتەندروست ڕاگرتن و بەجێهێنانی ئەرکانی لەش بەڵام لەکاتی هەبوونی نەخۆشی گورچیلە، تووشبوون بەکێشەی مەترسیدار دەتوانرێت یەکێک لەو گورچیلانەیان دەربهێنرێت.
وە: هەـ ف
سەرچاوە: healthy page
PM:07:01:23/12/2018