حکومەتی هەرێمی کوردستان بە بۆنەی سەری ساڵەوە سێ ڕۆژ پشووی فەرمی ڕاگەیاند.

دەقی ڕاگەیەندراوەکە

بەبۆنەی سەری ساڵی تازەی زایینیەوە پیرۆزباییەكی گەرم لە خانەوادەی شەهیدان و پێشمەرگە قارەمانەكانی كوردستان و هەموو ڕۆڵەكانی گەلەكەمان دەكەین ، بەو هیوایەی ئەم ساڵە ببێتە مایەی خۆشگەزەرانی وسەقامگیری و دەرچوون لە گرفت و قەیرانەكان و دووپاتكردنەوەی پتەوتربوونی گیانی برایانەی نێوان هەموو ڕۆڵەكانی گەلی كوردستان .

‎بەم. بۆنەیەشەوە بە هاووڵاتیانی خۆشەویستی هەرێمی كوردستان ڕادەگەیەنین ڕۆژانی 30 و 31 ى 12 ى 2018  و 2019/1/1  واتا یەك شەمە و دووشەمە و سێ شەمە لە سەرجەم دام و دەزگاكانی حكومەتی هەرێمی كوردستان دەبنە پشووی فەرمی و ڕۆژی چوارشەمە 2019/1/2 دەوامی فەرمی دەست پێدەكاتەوە.

‎سەفین موحسین دزەیی
‎وتەبێژی فەرمی حكومەتی هەرێمی كوردستان
2018/12/24