بەمەبەستی بەهاناوەچوونی هاوڵاتیان لەكاتی رووداوی نەخوازراو، تیمەكانی سەنتەری فریاكەوتنی خێرای تەندروستی سلێمانی (122) خراونەتە حاڵەتی ئامادەباشییەوە.
سامان نادر، بەڕێوەبەری سەنتەری فریاكەوتنی خێرای تەندروستی سلێمانی (122) راگەیاند: لە شەوی سەری ساڵدا سەرجەم تیمەكانمان خراونەتە حاڵەتی ئامادەباشییەوە، شوێنی تیمەكانمان لەدوو ڕیانی بەكرەجۆوە دەستپێدەكات بۆ پردی خەسرەوخاڵ، چاڤیلاند، سەهۆڵەكە، فاملی مۆڵ و سەرچنار، لە شوێنە گشتیانەدا كەچاوەڕواندەكرێت قەرەباڵخی هاوڵاتیانی لەسەر بێت ئامادەیمان دەبێت.
وتی: جگەلەو تیمانەمان لەناو سەنتەری شاری سلێمانی (5) تیممان لە ئامادەباشیدا دەبن بۆ هەر حاڵەتێكی نەخوزاراو، هاوكات لەناو سەرجەم نەخۆشخانە و مەڵبەند و بنكە تەندروستییەكانی دەرەوەی شار هەر هاوڵاتیەك پێویستی پێمانبێت پەیوەندیمان پێوەبكات و بەزووترین كات دەگەینە لای و بەهانایەوە دەچین.
بەڕێوەبەری سەنتەری فریاكەوتنی خێرای تەندروستی سلێمانی (122) وتیشی؛ پەیامان بۆ هاوڵاتیان ئەوەیە پابەندی ڕێنماییەكانی هاتووچۆ و بەرگری شارستانی و ژینگەیی بن، ژمارەی (122) بەردەوام بۆ (24) كاتژمێر كراوەیە هاوڵاتیان دەتوانن پەیوەندی بكەن، داواشیان لێدەكەین هاوكاری تیمەكانیشمان بن.