محەمەد ئیسماعیل، خۆبەخش لە جوڵانەوەی نەوەی نوێ وەڵامی عەلی حەمەساڵح سەرۆکی فراکسیۆنی گۆڕان دەداتەوە و دەڵێت "کاک عەلی خەتای ئێن ئار تی نەبوو،خەتای ئەم ١٨ خاڵە بوو".
لە نوسینێکدا محەمەد ئیسماعیل، نوسیویەتی "جارێ پێش هەمو شت پێم سەیرە کاک عەلی و هەندێکی تری ناو حیزبەکانی دەروەی پارتی و یەکێتی هێندە قسە لەسەر نەوەی نوێ دەکەن،بۆ قسە لەسەر پارتی و یەکێتی ناکەن؟ ئایا هەست ناکەیت رۆڵی ئێوە ئەوەیە کە ئاژاوە لە ناو هێزەکانی تر دروست بکەن و فشار لەسەر پارتی و یەکێتی کەم بکەنەوە؟".
دەقی نوسینەکە:
کاک عەلی خەتای ئێن ئار تی نەبوو،خەتای ئەم ١٨ خاڵە بوو، هیوادارم باش بیانخوێنیتەوە:
جارێ پێش هەمو شت پێم سەیرە کاک عەلی و هەندێکی تری ناو حیزبەکانی دەروەی پارتی و یەکێتی هێندە قسە لەسەر نەوەی نوێ دەکەن،بۆ قسە لەسەر پارتی و یەکێتی ناکەن؟ ئایا هەست ناکەیت رۆڵی ئێوە ئەوەیە کە ئاژاوە لە ناو هێزەکانی تر دروست بکەن و فشار لەسەر پارتی و یەکێتی کەم بکەنەوە؟
کاک عەلی دەڵێت خەتای کەناڵی ئێن ئار تی و نەوەی نوێیە کە هاوڵاتییان نەچون بۆ دەنگدان و بێ هیوا بوون، ئەم قسەیەی عەلی جگە لەوەی هێرش کردنە سەر میدیایەک و هێزێکی سیاسیە کە لە یەکەم ساتی دروستبونیەوە بە هێرشی دەسەڵات و سوتان و گرتنی پەیامنێر و خەڵکەکانیەوە، دەستی کرد بە پەخش و دەستیان کرد بە کاری سیاسی، هێندەی تر خۆدزینەوەیە لە بەرپرسیارێتی.
کاکە عەلی لەبەر ئەم ١٧ هۆکارە خەڵکی نەچون بۆ دەنگدان و تەنانەت باوەڕیان بە هیچ هێزێکی سیاسی نەماوە و کاتی دەوێت تا جارێکی تر متمانە دروست بکرێتەوە:
١- بەڵێی کاک عومەر بۆ ریفراندۆم و رەدوکەوتنی بارزانی لە پرسی ریفراندۆم.
٢-بێ دەنگی گۆڕان لە روداوی ١٦ ی ئۆکتۆبەر.
٣-خۆدزینەوەی گۆڕان لە پشتیوانی خۆپیشاندانەکانی کۆتایی سالی ٢٠١٧ .
٤- بێ دەنگی گۆڕان لەسەر پرسی تەزویری ١٢ ی ٥ ی هەڵبژاردنی عێراق.
٥-بێ دەنگی گۆڕان لە هەڵکوتانە سەر گردەکە لە لایەن یەکێتیەوە.
٦- هەمواری یاسای سەرۆکایەتی هەریم لە لایەن گۆرانەوە، کە رێی خۆش کرد بۆ چارەسەری کێشەی ناو بنەمالەی بارزانی و کردنەوەی دەرگا بۆ نێچیرڤان بارزانی بۆ خۆپاڵاوتن بۆ پۆستەکە.
٧- دەنگدان بە هەمواری یاسای تیرۆر کە لە بەرژەوەندی پارتی بوو، وە کە بە هۆی ئەو یاسایەوە سەدان کادیری کۆمەڵی ئیسلامی دەستگیر کراون.
٨- داواکردنی دواخستنی هەڵبژاردنەکانی هەرێم (تەنها چەند رۆژێک پێش دەستپێکی بانگەشە)،لە کاتێکدا گۆڕان هەمیشە داوای هەڵبژاردنی دەکرد.
٩- هەڵسوکەوتەکانی بەرپرسانی گۆڕان لە حکومەتی خۆجێیی سلێمانی، بە تایبەت ١١ هەزار پرۆژەکەی هەڤاڵ ئەبوبەکر و گولدانانی بابەکر دڕەیی بۆ هێرۆ.
١٠- بێ دەنگی گۆڕان لە دەرکردنی وەزیرەکانی و سەرۆکی پەرلەمان لە هەولێر.
١١- بێ دەنگی خودی وەزیرەکان کە تا ئێستا کەسێکی وەک موستەفای سەید قادر نەیتوانیوە یەک چاوپێکەوتنی رۆژنامەوانی بکات و دژی پارتی و ئەو هەڵسوکەوتە قسە بکات.
١٣- بونی کادیرەکانی گۆڕان بە پارتی و چونیان بۆ ناو پارتی و یەکێتی، وەک رێباز حەملان و موسعود حەیدەر و سەرکەوتی کوبە.
١٣- تاپۆکردنی گردەکە لەسەر کوڕەکانی کاک نەوشیروان و دەستگرتن بە سەر میدیای حیزب و داهاتی حیزب و دوبارەکردنەوەی شێوازی حوکمی بنەمالە،هاوشێوەی ناو یەکێتی و پارتی.
١٤- وەرگرتنی ٢٥ دەفتەری مانگانە لە یەکێتی، بە دانپیادانانی خودی عەلی حەمە سالح.
١٥-وەرگرتنی یەک ملیۆن دۆلار لە پارتی لە لایەن موستەفای سەید قادرەوە بۆ بانگەشەکانی هەڵبژاردنی هەرێم.
١٥- باڵباڵێنی ناو گۆران و کێشەی نێوان گەنجان و پیران و هەروەها قایەری حاجی عەلی و عوسمانی حاجی مەحمود لە لایەک و کوڕەکانی کاک نەوشیروان و عومەری سەید عەلی، لە لایەکی تر.
١٦-نەبونی هیچ گەنجێک لە ناو خانەی راپەراندن و شکاندنی پەیام و وەسێتەکەی کاک نەوشیروان کە داوای کردبوو توانای گەنجان تێکەڵ بە ئەزمونی پیران بکەن لە ناو خانەی راپەراندن.
١٧- رۆشتنەوەی بەرهەم ساڵح بۆ ناو یەکێتی و فرۆشتنی ئەو هەمو دەنگە و ئەو هەمو پشتیوانیەی هاوڵاتییان بە پۆست و دەسەڵات.
ئەمانە هۆکار بوون نەک نەوەی نوێ و ئێن ئار
تی.
١٨-گۆرینی سەرۆک لیستی گۆڕان بۆ هەڵبژاردنەکانی هەرێم، لە سەر داوای پارتی، لە عەبدوڵای مەلا نوری بۆ عەلی حەمە ساڵح.
ئەگەر نەوەی نوێ و ئێن ئار تی نەبوایە ئەوا ئێستا ئەم چەند کورسیەی ئۆپۆزسیۆن و ئەم دەنگە ئازایانە بونیان نەدەبوو، وە ئیستا هەمو کورسیەکانی پەرلەمان سەرەیان گرتبوو بۆ وەرگرتنی پۆست و وەزارەت.
ئەگەر ئێن ئار تی نەبوایە ئیستا هاوڵاتییان هەمو رۆژێک چۆن راستی هەوالەکان و درۆی بەرپرس و حیزبەکانیان دەبیست.
دان بنێن بە راستی و بەسە درۆ، درۆی ئێوە خەلک سارد دەکاتەوە، وە خەبات و ئازایەتی گەنج و پیرەکانی نەوەی نوێ و پەرلەمانتارانی نەوەی نوێ ، هیوا دەگێڕێتەوە بۆ هولاتیان و متمانە دروست دەکاتەوە سەر لە نوێ.
محەمەد ئیسماعیل- خۆبەخش لە جوڵانەوەی نەوەی نوێ