هەپەگە رایگەیاند لە چالاکیی گەریلا لە ناوچەی ئیدر ١٢ سەربازی سوپای تورک کوژران.
ناوەندی راگەیاندن و چاپەمەنیی هێزەکانی پاراستنی گەل (هەپەگە) باڵی سەربازی پەکەکە بڵاویکردەوە، " رۆژی ٤ی کانوونی دووەمی ٢٠١٩ / ١٥ی بەفرانبار بڵاومانکردەوە، کە لە کاتژمێر ٢ دا چالاکییەک لە دژی یەکەی شاراوەی سوپای تورک لە ئیدر ئەنجامدراوە و بە لانیکەمەوە ٥ سەربازی سوپای تورک لەو چالاکییەدا کوژراون".
هەپەگە باس لەوەش دەکات، بە پێی ئەو زانیارییانەی لە هەرێمەکەوە بە دەستیان گەیشتووە، ژمارەی سەربازە کوژراوەکانی سوپای تورک لەو چالاکییەدا لە دەورووبەری بنکەی سەربازیی ئاخور، کە لە دژی ئەو یەکە شاراوەیی سوپای تورک کە لە ئۆپەراسیۆن دا بوون و ئەنجامدرا، ١٢ سەرباز کوژراون.
ئاماژە بەوەشکراوە، تەرمی سەربازە کوژراوەکان بە کۆپتەر گواستراونەتەوە بۆ نەخۆشخانەکانی ناوچەکە.