ئیلهام ئەحمەد، هاوسەرۆكی دەستەی جێبەجێكاری ئەنجوومەنی سووریای دیموكرات "مەسەدە" لە چاوپێكەوتنێكدا لەگەڵ رۆژنامەی شەرقولئەوسەت رایگەیاند، ئەگەر حكوومەتی سووریا لەكاتی دانوستانەكاندا داوای رادەستكردنی ناوچەكانی رۆژهەڵاتی رووباری فورات هاوشێوەی دەرعا و حمس و غوتە بكات، ئەوا ئەو داواكارییە لەلایەن ئەوانەوە رەتدەكرێتەوە و قبوڵی ناكەن، چونكە ئەو ناوچانە لەلایەن بەڕێوەبەری خۆسەرەوە رێكخراون و هێزی سەربازی تایبەت بە خۆیان هەیە.

ئیلهام ئەحمەد ئاشكراشیكرد كە لەگەڵ عەلی مەملووك، سەرۆكی نووسینگەی ئاسایشی نیشتمانی سووریا كۆبوونەتەوە و پڕۆژەی خۆیان لەبارەی كۆمەڵێك پرسی تایبەت بە دەستوور و سەروەری خاكی سووریا و ئاڵا پێشكەش كردووە.