بەڕێوەبەرایەتی گشتی تەندروستی هەڵەبجە هەڵمەتێكی گەڕان و پشكنین بۆ دەرمانخانەو نۆرینگەكانی پارێزگای هەڵەبجە ئەنجام دەدات و ڕایگەیاند "بەهۆی نەبونی مۆڵەتەوە ژمارەیەك نۆرینگەو دەرمانخانە داخران".
لەڕاگەیەنراوێكدا بەڕێوەبەرایەتی گشتی تەندروستی هەڵەبجە ڕایدەگەیەنێت: لەچوارچێوەی بڕیارەكانی ئەنجومەنی وەزیران و وەزارەتی تەندروستی، تایبەت بە دەرمانخانە و نۆرینگەكان هەڵمەتێكی گەڕان و پشكنین بۆ دەرمانخانەكان ئەنجامدرا.
لەڕاگەیەنراوەكەدا ئەوەش هاتووە "پاش گەڕان و پشكنین بەهۆی نەبوونی مۆڵەتەوە ۲۱ دەرمانخانە و نۆرینگە داخران، و ڕێكاری یاسای دەگیرێتە بەر ، لەبەرامبەر ئەوانی سەرپێچی یاسا دەكەن".
هەروەها ڕایگەیاندووە "دڵنیای دەدەینە هاوڵاتیان، هەر شوێنێك پەیوەندی بە ژیانی هاوڵاتیانەوە هەبێت، بەردەوام چاو كراوە ئەبن بەرامبەری و چاودێری دەكرێت، لەپێناو خزمەتی زیاتری هاوڵاتیان".