پۆلیسی سلێمانی دەستگیركردنی ٢٨ تۆمەتباری ڕاگەیاند، كە تۆمەتبارن بە فریودانی هاوڵاتییان و چەند كارێكی تری نەشیاو.
بەڕێوەبەرایەتی پۆلیسی پارێزگای سلێمانی بڵاویكردووەتەوە، هێزەكانی بنكەی پۆلیسی هەواری شار٢٨ تۆمەتباریان دەستگیركردووە كە لەلایەن دادگاوە داواكراو بوون .
ڕوونیشیكردووەتەوە، ژمارەیەك لەو تۆمەتبارانە لەشێوەی دوو باندا فێڵیان لەهاوڵاتییان كردووە و فەرمانی دەستگیركردنیان هەبووە و دوو تۆمەتباری دیكەیان تەقەیان لەهاوڵاتیان كردوەو فەرمانی دەستگیركردنیان هەبووە دەستیشگیراوە بەسەر چەكی بەكارهاتودا.
ڕاشیگەیاندووە، لە ئێستادا سەرجەم تۆمەتبارەكان بە بڕیاری دادوەر ڕاگیراون و پەڕاوی لێكۆڵینەوەیان بۆ كراوەتەوە.