سەرۆکی نەوەی نوێ جیاوازیەکی ئەوتۆ نابینێت لە نێوان مەسرور بارازنی کاندیدی پارتی بۆ پۆستی سەرۆک وەزیران، لەگەڵ نێچیرڤان بارزانی سەرۆکی ئێستای حکومەت و، دەڵێت وەک "جیاوازیی نێوان پیپسی و کۆکا کۆلایە".
شاسوار عەبدولواحید سەرۆکی جوڵانەوەی نەوەی نوێ، لە وەڵامی کۆمێنتی هاوڵاتییەک کە لەتۆڕە کۆمەڵایەتییەکانی لێیان پرسیووە لەسەر جیاوازی کابینەکەی نێچیرڤان بارزانی و مەسرور بارزانی چییە، ئەو دەڵێت" جیاوازیی ئەو دوو کابینەیە وەک جیاوازی نێوان پیپسی و کۆکا کۆلایە".
ئەو لێدوانە لە کاتێکدایە نەوەی نوێ کە خاوەنی ٩ کورسیە، دوای راگەیاندنی ئەنجامی هەڵبژاردنی پەرلەمانی کوردستان بڕیاری ئۆپۆزسیۆن بوونی دا.