حکومەتى هەرێم و بەغدا بڕیاری پێدانی تابلۆی ئۆتۆمبێلیان بۆ پارێزگای هەڵەبجە بەناوی (عێراق ـ هەڵەبجە) دەرکرد.
ئامانج ڕەحیم سکرتێری ئەنجومەنى وەزیرانی هەرێم ڕایگەیاندووە، ھەردوو حکومەتی ھەرێم و بەغدا ڕەزامەندیان دا بۆ پێدانی تابلۆی ئۆتۆمبێلی پارێزگای هەڵەبجە بە ناوی عێراق-ھەڵەبجە.
سکرتێری ئەنجومەنى وەزیرانی هەرێم ڕاشیگەیاند، لە دوای پشووەکانی نەورۆز وەزارەتی ناوخۆ و بەڕێوەبەرایەتی گشتی ھاتوچۆی ھەرێم و بەرێوەبەرایەتی ھاتوچۆی ھەڵەبجە دەست بە ڕێکارەکانی تۆمارکردن دەکات.
ساڵی ٢٠١٥ بە بڕیاری حکومەتى هەرێم و بەغدا هەڵەبجە کرا بە پارێزگا و بووە چوارەمین پارێزگای هەرێم.