لەشاری داگیرکراوی رۆژئاوای کوردستان، عفرین، دەسەڵاتداران نەرۆرژی جەژنی نەورۆز دەکەنە پشوو، نە رێگاش دەدەن خەڵکی ئەو شارە جەژن بکەن.
بەپێی ڕاگەیەندراوێک کە لە میدیاکانی رۆژئاوا بڵاوکراوەتەوە و واژۆی عەبدولموتەلیب شێخ نەسعان پێوەیەی و خۆی وەک "بەڕێوەبەری ئەنجومەن” ناساندووە، هەموو چالاکییەکانی پەیوەست بە نەورۆز لە شاری عەفرینی ڕۆژاڤای کوردستان قەدەغەکراوە.
لە ڕاگەیەندراوەکەدا کە بەهەردوو زمانی عەرەبی و تورکی نووسراوە هاتووە "لە ڕۆژی یەکشەممە 20ی ئازاری 2019 و هەر ڕۆژێکی دیکە، هیچ پشوویەکی فەرمی نییە بە بۆنەی جەژنی نەورۆزەوە. هەموو دامەزراوە فەرمییەکان لەکارکردن بەردەوام دەبن لە ئەنجومەنی خۆجێی و دادگاکان و پەروەردە و ناوەندی تەندروستی و قوتابخانەکان.”
لە ڕاگەیەندراوەکەدا ئاماژە بۆ ئەوەش کراوە کە لە ڕۆژی 21ی ئازار و ڕۆژەکانی دیکەشدا "ڕێگە بە هاوڵاتیان نادرێت بەبۆنەی جەژنی نەورۆزەوە هیچ چالاکییەک بکەن وەک خۆپیشاندان، بەپیادە ڕۆشتن، ئاگارکردنەوە و ئاهەنگگێڕان.”
ساڵی پار پێش نەورۆز سوپای تورک بە پاڵپشتی هێزە ئیسلامییەکان ئەو شارە کوردیەیەنا داگیرکردو لەدەست یەکینەکانی پاراستنی گەل دەریانهێنا.