ڤیدۆیەکی نەبینراوی هونەرمەند زەکەریا بلآودەبێتەوە کە ساڵی ٢٠٠٠ لە ولآتی سوید تۆمار کراوەو گۆرانی " نازێ " دەڵێت، وەک پرۆڤە.
زەکەریا عەبدوڵڵا بەر لەوەی گۆرانی بڵێت میوزیکژەنێکی بە توانا بوو ھونەرکاران و چاودێرانی ھونەری لەسەر ئەوە کۆکن، بەر لە ھاتنی ھونەرمەند (زەکەریا) ھونەری کوردی لە ئاستێکدا بوو کە زۆر بە دەگمەن لە بازاڕ و شوێنە گشتیەکان گوێ بیستی گۆرانی کوردی دەبوو.
زەکەریا عەبدوڵا خەڵکی ھەولێرە، لە ساڵانی ھەشتاکانی سەدەی ڕابردوو دەستی بە کاری ھونەری کردووە، لە ساڵی 1997دا یەکەمین ئەلبوومی گۆرانیی خۆی بڵاو کردووەتەوە، خاوەنی چەندین ئەلبوومی گۆرانی و ڤیدیۆ کلیپە، جگە لەو ئاهەنگەی بۆ بۆنەی ریفراندۆمە لە یاریگای فەرەنسۆ حەریری سازیکرد، نزیکەی 8 ساڵە ھیچ بەرھەمێکی نوێی ھونەری بڵاو نەکردووەتەوە.