بڕیارە پێشنیوەڕۆی سبەی پێنج شەممە ٢١ی ئازار یەکەم رۆژی نەورۆز لە ئامەدی پایتەختی باکوری کوردستان ئاهەنگی یەک ملیۆنی ساز بکرێت.
ئاهەنگەکە کە لەلایەن پارتی گەلانی دیموکراتی و هاوپەیمانەکانییەوە لە هێزە سیاسیەکان و رێکخراوەکانی کۆمەڵگای مەدەنی سازدەکرێت، وەک وەڵامدانەوەیەکە بۆ ئەو هەموو گرتن و ئازاردان و سەرکوتکردنەی حکومەتی ئاک پارتی دژی کورد و هێزە دیموکراتیەکانی تورکیا ئەنجامی دەدات، هاوکات بە شێکە لە هەڵمەتی هەڵبژاردنی شارەوانییەکانی هەدەپە، کە بڕیارە کۆتایی مانگ ئەنجام بدرێت.
هەدەپەو پارتە کوردیەکان ئاهەنگی نەورۆز وەک بەرپەرچدانەوەی سیاسەتی تورکیا تەماشا دەکەن و هەربۆیە پێشبینی دەکرێت بە حەماسێکی زۆرەوە خەڵک بەشداری مەراسیمەکە بکات.
بڕیارە مەیدانی نەورۆز لە ئامەد بە ئاڵای ڕەنگی سەوز و سوور و زەرد دابپپۆشرێت و نزیکەی یەک ملیۆن هاوڵاتی لەئاهەنگەکەدا بەشداربن کە چەندین وتار و سرودو گۆرانی تێدا پێشکەش دەکرێت.
لیژنەی ئامادەکاری ئاهەنگ مۆڵەتی بۆ ئاهەنگە لە حکومەت وەرگرتووەو، پێشبینی دەکرێت سەرکردەکانی هەدەپە و سەکردەی لایەنە کوردیەکانی تر بەشداری بکەن.