پۆلیسی سلێمانی دەستگیرکردنی چەند تۆمەتبارێکی راگەیاند

پۆلیسی سلێمانی دەستگیرکردنی چەند تۆمەتباریێکی راگەیاند، کە دوانیان ئۆتۆمبێلی گەشتیارێکیان دزیبوو.

بەڕێوەبەرایەتی پۆلیسی سلێمانی لە رایەگەیدنراوێکدا ئاماژەی بەوە کردووە،، دوو تۆمەتباریان دەستگیرکردووە، کە یەکێکیان پێشینەی دزینی ئۆتۆمبێلی هەیە و پێشتریش چەند ئۆتۆمبێلێکی گرانبەهای لە هاوڵاتیان دزیوە و لەلایەن پۆلیسەوە داواکراوە.

راشیگەیاند، دوای ئەوەی کە هاوڵاتییەکە سکاڵای تۆمارکرد هێزەکانی پۆلیس توانیویانە ئۆتۆمبێلەکە بدۆزنەوە و تۆمەتبارەکانیش دەستگیربکەن، لە ئێستاشدا تۆمەتبارەکان بە بڕیاری داوەر بەندن و پەڕاوی لێکۆڵینەوەیان بۆکراوەتەوە.

پۆلیسی سلێمانی ئاماژەی بەوەشکردووە، شەش تۆمەتباری دیکەیان دەستگیرکردوە کە دزیان لە چەند سۆپەرمارکێتێک کردوە و چەند ماتۆڕسکیلێکی هاووڵاتیانیان دزیوە.

لە راگەیەندراوەکەی پۆلیسدا هاتووە، کە هاوکات لەگەڕەکی ئازادی دوو کەسیان دەستگیرکردوە کە سێ ملیۆن دینار و پارچەیەک چەکییان بردبوو لە ماڵەکە.

ئه‌م بابه‌ته ‌698 جار خوێنراوه‌ته‌وه‌‌

PM:07:46:24/03/2019