هێزهكانی پاراستنی گهل (ههپهگه) رایگەیاند، لەئەنجامی شەڕ روبەڕوبونەوەی گەریلاکانیان لەگەڵ سوپای تورکیا له گابار هەشت سەربازی ئەو وڵاتە کوژراون.
ناوەندی ڕاگەیاندنی هێزەکانی پاراستنی گەل رایگەیاند، "ڕۆژی ٢١ی ئازار کاتژمێر ٠٧:٠٠، سوپای تورکیا داگیرکەر لە مەیدانی سپڤیان لە گاباری سەربە شرناخ بە فڕۆکەی بێفڕۆکەوان و هێلیکۆپتەری جەنگی دەستیان بە ئۆپەراسیۆن کرد، لە چوارچێوەی هەنگاوی شۆڕشگیری شەهید دەلال ئامەد و شەهید بەستا-دا، هێزەکانمان هەر ئەو ڕۆژە کاتژمێر ٠٥:٠٠ی ئێوارە یەکینەیەکی ئۆپەراسیۆنەکەیان لەسەر گردی سپڤیان-یان کردە ئامانج، لەو چالاکییەدا کە گورزی قورس لە دوژمن درا، دوو سەرباز کوژران".
دەشڵیت، "٢٢ی ئازار کاتژمێر ١٦:٤٥ خولەک، گەریلاکانی یەژاستار لەدژی ناوەندی فەرماندەیی ئۆپەراسیۆنەکە لەسەر گردی سپڤیان چالاکییان ئەنجامدا، چالاکییەکە لەدژی ٢ مۆڵگەی دوژمن ئەنجامدرا و لە ئەنجامی ئەو چالاکییە شەش سەرباز کوژران".
ناوەندی ڕاگەیاندنی هەپەگە راشیگەیاندووە "سوپای تورکیا دوای چالاکییەکە بە هێلیکۆپتەری سکۆرسکی کوژراو و بریندارەکانیان لە ناوچەکە گواستووەتەوە، سوپای داگیرکەری تورکیس کاتژمێر ٢٠:٠٠ ناچاربوو لە ناوچەکە بکشێتەوە، لەو ئۆپەراسیۆنە هیچ زیانێک بەر هێزەکانمان نەکەوتووە".