بەپرسێکی باڵای سودان دەستی لەکار کێشایەوە

ئەمڕۆ شەممە ١٣ی نیسانی ٢٠١٩، سەڵاح قوش، بەرپرسی دەزگای ئاسایش و هەواڵگری سودان دەستی لەکارکێشایەوە.
 
ئاژانسی هەواڵی سکای نیوز بڵاویکردەوە، کە ئەمڕۆ شەممە سەڵاح قوش، بەرپرسی دەزگای ئاسایش و هەواڵگری سودان دەستی لەکارکێشایەوەو دەستلەکار کێشانەوەکەشی لەلایەن عەبدلفتاح بورهان، سەرۆکی نوێی ئەنجومەنی سەربازی راگوزەر واژۆ و پەسەند کرا.

بەهۆی فشاری بەردەوامی خۆپیشاندەرانەوە دژی دەسەلاتی سیاسی سودان و داواکاریان بۆ دەسەڵاتێکی مەدەنی  ناوبەناو بەرپرسە سەربازییەکانی سودان دەستلەکار دەکێشنەوە.

لە ئەنجامی فشاری خۆپیشاندەرانی سودان عومەر بەشیر
 سەرۆکی ئەو وڵاتەو هەریەک لە عەوز بن عەوف، سەرۆکی ئەنجومەنی سەربازی راگوزەر و جێگرەکەی و سەرۆکی دەزگای هەواڵگیر لەلایەن وەزیری بەرگری ئەو وڵاتەوە دورخستنەوەی لەدەسەڵات راگەیەندرا.

لە ماوەی رابردوشدا هەریەک لە نەتەوە یەکگرتوەکان و یەکێتی ئەوروپا و ئەمریکا داوایانکردبو دەسەڵات رادەستی خەڵکی مەدەنی بکرێت.


ئه‌م بابه‌ته ‌4200 جار خوێنراوه‌ته‌وه‌‌

PM:04:14:13/04/2019