حکومەتی عێراق بڕی دوو ملیۆن دینار دەدات بە ئەو کچ و ژنە ئێزدیانەی رزگاربووی دەستی داعشن

وەزارەتی كۆچ و كۆچبەرانی عێراق بڕیاریدا بە بەخشینی بڕی دوو ملۆن دۆلار بە هەر ژنێکی ئێزدی  رزگاربووی دەستی داعش.

نۆفل موسا، وەزیری كۆچ و كۆچبەرانی عێراق لە كۆنگرەیەكی رۆژنامەوانیدا رایەیاند "ئێزدییەكان خەڵکی رەسەنی ئەم وڵاتەن و هەزاران ساڵە لە بونیاتنانی شارستانییەتی ئەم وڵاتەدا هاوكار بوون. ئێستاش ئەوان هێمای ئاشتەوایی و خۆشەویستی و پێكەوەژیانن لەگەڵ سەرجەم پێكهاتەكانی دیكەی عێراق".

وتیشی "وەزارەتی كۆچ و كۆچبەران بە بڕی دوو ملیۆن دینار هاوكاری ژنانی ئێزدی رزگاربوو دەكات، لەسەرەتاشدا ئەو هاوكارییە 100 ژنی رزگاربوو دەگرێتەوە".

وەزیری كۆچ و كۆچبەرانی عێراق باسی لەوەشكرد،" پشتگیری تەواوی داوا یاساییەكانی ئێزدییەكان دەکەن لەڕووی دابینكردنی مافی ئایینی و ژیان".

ئه‌م بابه‌ته ‌2874 جار خوێنراوه‌ته‌وه‌‌

PM:11:06:18/04/2019