وەزارەتی بەرگری تورکیا رایگەیاند، لە شەڕێکدا لەسەر سنوری باکور و باشوری کوردستان لەگەڵ گەریلاکانی پەکەکەدا، چوار سەربازی سوپای وڵاتەکای کوژراون.
ئەمڕۆ شەممە ٢٠ی نیسانی ٢٠١٩ لە بەیاننامەیەکدا کە وەزارەتی بەرگری تورکیا ئاماژەی بەوەکردووە، رۆژی هەینی ١٩ی نیسان لەسەر سنوری باکور و باشوری کوردستان شەرو پێکدادان لە نێوان سەربازانی تورکیا و گەریلاکانی پارتی کرێکارانی کوردستان-پەکەکە روویداوەو، لە ئەنجامی ئەو شەڕەشدا چوار سەربازیان کوژراوە و شەشی دیکەش برینداربوون.
وەزارەتی بەرگری تورکیا ئەوەشی خستوەتەڕوو، کە دووان لە کوژراوەکان دوای ئەوەی بە برینداری گەیەنراونەتە نەخۆشخانە گیانیان لەدەستداوە.