فراکسیۆنی نەوەی نوێ لە پەرلەمانی کوردستان رایگەیاند، پێمان وایە
راگەیاندنەکەی ئەنجومەنی باڵای (نەوەی نوێ) و فراکسیۆنی (نەوەی نوێ) لە ئەنجومەنی نوێنەرانی عێراق، رووناکی خستووەتە سەر کێشە و بابەتی گرنگ و دەبێت لەبەرچاو بگیرێت.
دەقی راگەیەندراوەکە:
راگەیاندراوێک لە فراکسیۆنی (نەوەی نوێ) لە پەرلەمانی کوردستان
لەم بارودۆخەی ئێستادا، بەپێویستی دەزانین چەند خاڵێك بۆ رایگشتیی کوردستان روونبکەینەوە:
یەکەم: ئێمە پێمانوایە راگەیاندنەکەی ئەنجومەنی باڵای (نەوەی نوێ) و فراکسیۆنی (نەوەی نوێ) لە ئەنجومەنی نوێنەرانی عێراق، رووناکی خستووەتە سەر کێشە و بابەتی گرنگ و دەبێت لەبەرچاو بگیرێت.
دووەم: ئێمە ھەمووان دڵنیادەکەینەوە فراکسیۆنەکانمان یەکدەست و یەکگرتووە و لە چوار ساڵی داهاتودا، بەردەوامدەبین لە خەباتی پەرلەمانیی و دژی گەندەڵیی و بێدادیی دەوەستینەوە و وەك ھەمیشە فراکسیۆنێکی ئۆپۆزیسیۆنی ئازا و بوێر دەبین.
سێیەم: لە ململانێ سیاسییەکانی کوردستاندا، رویداوە دەزگا جاسووسییەکان پەنا بۆ ناوزڕاندن و ئابڕوبردن و درۆ و بوختان دەبەن، بەڵام جێگای داخە خەلکانێک کە خۆیان بە بەشێک لە ئۆپۆزیسیۆن بزانن، پەنابەرنە بەر تەخوین و ناوزڕاندن و دروستکردنی تۆمەتی ئەخلاقیی بێبنەما بۆ کەسە نزیکەکانی خۆیان.
فراکسیۆنی نەوەی نوێ لە پەرلەمانی کوردستان (شادی نەوزاد، کاوە عەبدولقادر، سیروان بابان، مەم بورهان قانع).
٢٢ی نیسانی ٢٠١٩