کوەیت: ئەگەری جەنگ لە کەنداو لە ئارادایە

سه‌رۆكى په‌رله‌مانى كوه‌یت، مەترسی هەڵگیرسانی شەڕ لەناوچەکەدا ئاشکرا دەکات و دەڵێت" بەداخەوە ئەگەری جەنگ لە ئارادایە.
 
ئەمڕۆ پێنجشەممە ١٦ ی ئایار، مەرزوق ئەلغانم، سەرۆکى ئەنجومەنى نیشتمانى کوەیت لە لێدوانێکى رۆژنامەوانیدا رایگه‌یاند " ئەمڕۆ بە ئامادەبوونى سەرجەم وەزیرەکان، لە دانیشتنێکى نهێنیدا باس لە ئامادەکارییەکانى ئەگەرى ئەو مەترسیانە کرا کە رەنگە رووبەڕووى ناوچەکەمان ببێتەوە".

وتیشى: "بەپێی ئەو راپۆرتانەى حکومەت سەبارەت بەو مەترسییانە پێشکەشى پەرلەمانى کردووە، قۆناغى داهاتوو مەترسییەکى گەورە لە ناوچەکە دروستدەکات".

له‌ وه‌ڵامى پرسیارێكیشدا ده‌رباره‌ى ئه‌وه‌ى ئایا ئه‌گه‌رى جه‌نگ له‌ ناوچه‌كه‌دا هه‌یه‌ غانم وتى: به‌پێى زانیارییه‌كان كه‌ له‌به‌رده‌ستدایه‌، به‌ڵێ به‌داخه‌وه‌ ئه‌گه‌رى جه‌نگ له‌ ئارادایه‌.

سەرۆکی پەرلەمان بۆ ولآتەکەی بە پێویستی دەزانێت کە ئامادەکاری و پلانێکى تۆکمە دابنێت بۆ بەرپەرچدانەوە هەر هێرش و مەترسییەک بۆ سەر ناوچەکە.



ئه‌م بابه‌ته ‌1130 جار خوێنراوه‌ته‌وه‌‌

PM:07:53:16/05/2019