شوێنی ئەبوبەکر بەغدادی ئاشكرا کرا

بەڕێوەبەری هەواڵگه‌ری سەربازی عێراقی ئاشکرایکرد، کە بە‌غدادی لەناوچەکانی رۆژئاوای نەینەوا خۆی حەشارداوە.

سەعد مەزهەر عەلاق، بەڕێوەبەری هەواڵگه‌ری سەربازی عێراقی رایگەیاند، ئەبوبەکر بەغدادی، خەلیفەی داعش لە ناوچه‌یه‌كی نێوان تەلەعفەر و شنگال خۆی حەشارداوە.

وتیشی، کە شوفێر و چەکدارێك یاوەری بەغدادی دەکەن و هیچ کەسێکی دیکەی لەگەڵ نییە.

ئەو بەرپرسە سەربازییە ئاماژەی بەوەشدا، گرتە ڤیدیۆییەکەی بەغدادی لەنێوان 12بۆ 22 ی مانگی ئادار گیراوە.

پێشتر میدیاکان بڵاویانکردبووەوە، خەلیفەکەی داعش لە ناوچەکانی سەر سنووری نێوان سووریا و عێراق هاتووچۆ دەکات و تەنیا چەند کەسێکی لەگەڵ ماوە.


ئه‌م بابه‌ته ‌1568 جار خوێنراوه‌ته‌وه‌‌

PM:07:22:08/06/2019