پێشتر لیوا تارق ئەحمەد، بەڕێوەبەری پۆلیسی دھۆک رایگەیاندبوو، "لە دوەم رۆژی جەژن دلین لەگەڵ برایەکی و ئامۆزایەکی لە جەژن و گەڕان بون لە گەڕەکی خۆیان و سەردانی ماڵی کەسوکارو دراوسێکانیان کردوە، دوای ماوەیەک دیار نامێنێت و نەگەڕاوەتە ماڵەوە، سەعات 1:00ی شەو کەسوکارەکەی دوای بێهیوا بون لە گەڕانەوەی، پەیوەندی بە پۆلیسەوە دەکەن و ئاگاداریان دەکەنەوە لە دیارنەمانی منداڵەکەیان".

بەڕێوەبەری پۆلیسی دھۆک ئاماژەی بەوەشکردبو، دوای ئاگادارکردنەوەی پۆلیس لێکۆڵینەوەکانیان دەست پێکردوە و رۆژی دواتر چەند کەسێک بە گومانی روداوەکە دەستگیر کران، تا دواجار هەشتی ئەم مانگە تەرمەکەی دلین له‌ چه‌می خواره‌وەی یاریگای یانه‌ی دهۆك به‌ كوژراوی دۆزرایەوە.